Nederlands 
Frysk Wat kostet it om in nije flier lizze te litten?
Earlik antwurd: dat hinget fan in pear dingen ôf. Hjir lêst wêr't de priis troch bepaald wurdt, sadat do witst wat do yn in offerte ferwachtsje kinst.
Offerte oanfreegje
Dit bepaalt de priis
Gjin twa flierren binne itselde. De priis hinget benammen ôf fan dizze punten:
- It tal fjouwerkante meters. Mear meters is mear wurk, mar faak in legere priis per m².
- It soarte flier. Klik-PVC en laminaat lizze flugger as plak-PVC of parket.
- It lispatroan. Fiskgraat freget mear seagwurk en krektens as rjochte planken.
- De ûnderflier. Moat der earst egalisearre wurde, of in âlde flier út?
- De ôfwurking. Plinten, drompels, treppen en oergongen.
Flier sels keapje of fia ús?
Do kinst de flier sels oanskaffe en ús allinnich lizze litte. Do kinst ek advys freegje oer de kar. Yn beide gefallen stiet yn de offerte krekt wat do krijst.
Sa krijst in dúdlike offerte
In skatting op ôfstân seit net folle as nimmen de ûnderflier sjoen hat. Dêrom komme wy earst del om op te mjitten. Dêrnei krijst in offerte dêr't alles yn stiet: de flier, de tarieding en de ôfwurking.